流記香港仔艇仔粉 (Moved) New Location

其實都預咗呢個艇仔粉嘅味道唔會有啲咩特別，不過最有趣嘅係你唔知道呢間舖頭會停泊喺邊度，有時候佢會過咗對面岸，當你搭船過對面嘅時候原來佢又會去咗你嘅對面岸。尋找佢嘅過程係最有趣，因為要打電話問佢停喺邊度，然之後你就企喺碼頭上落位同老闆落單，鴨髀雞髀，因為實在太遲先搵到呢隻艇，所以今次都係冇緣份。叫一碗最普通嘅雜錦河，普通嘅燒味，普通嘅粉麵，但係喺你遊船上面接過呢一碗粉，仲係只係買30幾蚊，你會覺得，體驗咗一次舊香港嘅味道。全香港都係得返呢一隻艇仔可以賣艇仔粉，大家不妨搵吓佢。