滄浪亭

Open Now

Now Closed

在紅磡閒逛，突然發現這裏也開了在美孚非常出名的上海小店，女朋友又未試過，一於今晚就食呢間。店仔細細，得四張方枱，如果跟打麻雀的坐法，其實只可以坐到十六人。好彩我地到果時咁啱無乜人等，五方鐘左右就有位了，在無選擇下就坐左喺近門口的角落位。坐低就叫野食，我叫左嫩雞煨麵，女朋友就係燘肉麵，仲叫左碟大排 Share ~燘肉麵上先，女朋友即刻試個湯底，仲話好正。跟住到我個嫩雞煨麵，我女朋友見到個牛奶湯底，即刻呆左無錯，滄浪亭的嫩雞煨麵是配牛奶湯的，個麵滑得嚟有奶香味。雞肉都好多。值得推介 !大排是炸到好脆，又入味，用來送麵一流。整體來說，食物味道好。雖然位置不多，但反而有種小店的感覺，在香港這被大財團籠統的地方，這些小店十分需要大家支持。金牌打手，坐角落頭