小島大廚

Open Now

Now Closed

話說嗰日入咗嚟西貢呢個小島睇鹽田梓，係西貢搭入嚟都要10分鐘嘅船程，但我地公司一班同事都浩浩蕩蕩入到嚟呢度，一嚟到大家就衝咗上去睇嗰個鹽田梓呀、食豆腐花呀..... 但我就留意到呢間小店，老實講，我覺得呢個老闆都應該幾有料，作為一個日本人，遠道嚟到香港仲要係呢個咁偏僻嘅小島開舖，如果無返咁上下料，其實應該係唔會有人嚟食架喎! 佢呢度其實係有OMAKASE食嘅，所謂就係私房菜啦~ $800幾蚊其實又唔係貴嘅，但係入到咁遠，如果唔好食真係有啲傻，所以由於時間緊迫，而我又無預約底下，我都係叫咗杯即磨咖啡算勒。 呢杯咖啡係我order時，個店員都話我識野，哈!  重點係要唔好落糖，可能糖係會破壞咗個味道啦~ 咁我落咗奶就飲勒，嘩,  入口仲有少少咖啡豆嘅油，好rich嘅咖啡豆味，啲咖啡味係個口度不停咁蘊釀，$28杯，真係值了。加上坐係海邊，等架船嚟接我地，真係無論風景定杯咖啡都頓時間有100分。