八焼鳥屋 (Closed)

訂左位晚上6點和朋友入座，試下呢間望落好正宗既日本串燒，店員推介即開生蠔的，但朋友怕食生冷野無叫，咁就食番主力既串燒啦，落完單店員就上左一盤和風汁椰菜沙律，心諗我都無叫，原來話正宗博多串燒會跟一盤椰菜沙律，可以減輕油膩感，好爽脆，正。燒明太子是醃制過的明太子，味道濃厚偏咸，所以襯番青瓜一齊食都唔錯。芒果橙汁桑梅汁特飲有新鮮橙肉，唔太甜，配串燒食唔錯串燒方面叫左蘆筍豚肉, 大蔥雞肉, 燒白鰻魚, 和牛壽喜燒, 用料很新鮮, 燒得剛剛好, 保留到肉汁, 比較特別是和牛壽喜燒, 朋友食完說入面的蔬菜很好味, 但係我食個舊就係包腐皮, 原來叫壽喜燒串係指和牛包住壽喜燒火鍋常用配料, 唔單單指壽喜燒汁, 仲有蛋黃汁跟埋可以點, 真係好貼題跟住係今日主角海膽三文治, 海膽鮮甜, 配蟹籽, 炒飯, 夾住有d咸咸地似蝦餅既威化, 咬落去好有層次, 好特別明太子烏冬, 面質夠滑夠煙un, 面頭有紫蘇葉碎, 加左鰹魚冷面汁, 本身已經有好多明太子, 但係我自己撈埋之前個d偏咸既燒明太子同點淨既蛋黃汁落去, 呢個係自創食法, 哈哈, 味道更上一層樓甜品選擇唔多, 但夠日本風味, 呢個黃豆粉同綠茶粉蕨餅就夠唒