Video
Read full review
2014-12-23
506 views
話說有位識食嘅朋友同我講，最近銅記嘅希雲街開左幾間幾好食嘅舖頭，有富山麵家又有抹茶雪糕等等，由於富山未開業，朋友話探一探路，來呢度一間又係新開嘅串燒舖試下~ 老實講，我平時真係唔會行過呢條街，但估唔到真係有啲驚喜! 呢間舖嘅外表真係好簡單，以黑色為主調嘅舖頭，外面又有得坐，仲有隻狗仔做PR，感覺好似落Pub咁~ 好似我係中環返工，放左工要happy hour咁~ 一入到去就見到呢張閃閃發光嘅bar 枱，單係佈局已經知道店主係想打中產同外藉人士巿場~ (工作關係，所以成日猜度人地目標顧客~ )入口嘅左手邊係貼滿店主同佢啲朋友嘅即影即有，等我仲勁細心咁睇以為有明星.....=_="店裡掛了兩幅關於老虎的畫，最後我們被安排了坐在這隻佻皮老虎嘅下面~ 這裡嘅坐位不多，我諗大慨一晚做得3枱客嘅生意~ 心裡面盤算，這裡實在似係pub多過串燒店呢~ 終於見到order 紙勒~ 原來呢度嘅串燒種類真係幾多，有佐酒嘅小食、沙律、燒物有成7種，連埋炸物同一品料理都竟然有咁多款，唔可以睇少啊~ ! 其實呢度飲野亦係主打，呢本drink menu唔少得~ 店主推介了今天新鮮的鮟鱇魚肝給我們作佐酒小食，呢一道菜
呢間舖嘅外表真係好簡單，以黑色為主調嘅舖頭，外面又有得坐，仲有隻狗仔做PR，感覺好似落Pub咁~ 好似我係中環返工，放左工要happy hour咁~
一入到去就見到呢張閃閃發光嘅bar 枱，單係佈局已經知道店主係想打中產同外藉人士巿場~ (工作關係，所以成日猜度人地目標顧客~ )
入口嘅左手邊係貼滿店主同佢啲朋友嘅即影即有，等我仲勁細心咁睇以為有明星.....=_="
店裡掛了兩幅關於老虎的畫，最後我們被安排了坐在這隻佻皮老虎嘅下面~ 這裡嘅坐位不多，我諗大慨一晚做得3枱客嘅生意~ 心裡面盤算，這裡實在似係pub多過串燒店呢~
終於見到order 紙勒~ 原來呢度嘅串燒種類真係幾多，有佐酒嘅小食、沙律、燒物有成7種，連埋炸物同一品料理都竟然有咁多款，唔可以睇少啊~ !
其實呢度飲野亦係主打，呢本drink menu唔少得~
店主推介了今天新鮮的鮟鱇魚肝給我們作佐酒小食，呢一道菜係日本關東特產，鮟鱇魚肝聽講話有海底鵝肝之稱，有清熱解毒的美膚功能。我其實好怕肝類嘅野，仲要刺身咁上，怕會好腥或者好羶，但呢度竟然整得唔錯，雖然只係簡單放左啲蔥花上去，但可以食到魚肝嘅幼滑感覺，好似芝士咁~
鮟鱇魚肝
12 views
0 likes
0 comments
芥末魚蛋
$48
36 views
0 likes
0 comments
其實廚師很聰明地用生洋蔥去辟味，仲有wasabi 有消毒作用，所以我就一啖乜都唔理塞左入口，發現真係無牛嗰種羶味，而且牛肉相當之滑，淡淡洋蔥在口腔裡散發著~
朋友特別叫我耐心等待這客燒白鱔，搞到我真係引頸以待。從外觀後，這客燒白鱔每一粒都係咁大粒，切得非常平均。上枱時，還有微微焦香，咬下去完全沒有骨，而且肉質好結實，非常爽口，實在好吃得不得了，好想encore 啊!!!!
燒白鱔
$88
36 views
0 likes
0 comments
芝士薯仔年糕
$48
34 views
0 likes
0 comments
最後這碗冷稻庭烏冬真的吸引了我這個烏冬控，用了傳統的幼身稻庭烏冬，加上冷麵汁、紫菜、蔥花和wasabi，我實在太耐無食過呢種傳統嘅冷烏冬，真係有少少感動。吃入口稻庭烏冬的麵質煙韌，對我而言實在是個美好的終結啊!
冷稻庭烏冬
$78
40 views
0 likes
0 comments
Other Info. :
原來這裡每個星期日嘅3點至8點係有Live Music ga~~~~ !!!
(The above review is the personal opinion of a user which does not represent OpenRice's point of view.)
Post
