Video
Read full review
2019-05-01
90 views
小慶祝浪漫摸杯底🥰失驚無事，男朋友想浪漫下，帶左我黎棉登徑呢間酒廊，食下晚餐，摸下杯底，浪漫下，傾下計。酒廊係响地牢既，向下行，彷彿置身另一地方，同外界吵鬧嘅環境完全唔一樣。落到去有好多張Bar枱，仲有張枱玩beer pong。呢到設計成個英倫感覺，再入啲森林咁，成個感覺寧靜，舒服同令人好放鬆。餐廳有幾枱都坐滿人，但係因為環境大所以都唔嘈。有好多特色cocktail，但見到其他人有點煙燻既酒, 於是就ORDER 左試下。我地分別叫咗Gold Smoke同埋Smoke In Your Eye。Gold Smoke Gold Smoke係用壺另上蘋果汁，侍應建議可以先聞一下，以Bacadi Oro作底酒，個煙燻味真係對我黎講都幾勁下，Orange bitter就以滴管黎控制濃度，都幾好飲，幾特別。Smoke In Your Eye今次我地準備好相機先叫侍應揭開杯蓋，勁多煙攻出黎🤣，呢杯好岩女仔似，甜甜果汁味，因為荔枝肉釀入果汁冰球中，冰球融化得越多，果味就越濃郁。周時仲可以篤果汁冰黎食～豪華芝士拼盤之後我地ORDER左個cheese platter芝士拼盤，對於芝士控黎講，正到暈！有四款芝
失驚無事，男朋友想浪漫下，帶左我黎棉登徑呢間酒廊，食下晚餐，摸下杯底，浪漫下，傾下計。
酒廊係响地牢既，向下行，彷彿置身另一地方，同外界吵鬧嘅環境完全唔一樣。
落到去有好多張Bar枱，仲有張枱玩beer pong。
呢到設計成個英倫感覺，再入啲森林咁，成個感覺寧靜，舒服同令人好放鬆。
餐廳有幾枱都坐滿人，但係因為環境大所以都唔嘈。
有好多特色cocktail，但見到其他人有點煙燻既酒, 於是就ORDER 左試下。
我地分別叫咗Gold Smoke同埋Smoke In Your Eye。
gold smoke
$118
0 views
0 likes
0 comments
Gold Smoke
Gold Smoke係用壺另上蘋果汁，侍應建議可以先聞一下，以Bacadi Oro作底酒，個煙燻味真係對我黎講都幾勁下，Orange bitter就以滴管黎控制濃度，都幾好飲，幾特別。
smoke in your eye
$118
3 views
0 likes
0 comments
Smoke In Your Eye
今次我地準備好相機先叫侍應揭開杯蓋，勁多煙攻出黎🤣，呢杯好岩女仔似，甜甜果汁味，因為荔枝肉釀入果汁冰球中，冰球融化得越多，果味就越濃郁。周時仲可以篤果汁冰黎食～
豪華芝士拼盤
$148
7 views
0 likes
0 comments
豪華芝士拼盤
之後我地ORDER左個cheese platter芝士拼盤，對於芝士控黎講，正到暈！有四款芝士，車打軟芝士、comte硬芝士、mimolette硬芝士同藍芝士。 濃、咸 、淡 、有咬口，果然稱得上豪華芝士拼盤，覺得濃味可以點蜜糖同配青提咁食。
自家製蟹肉脆燒賣
$88
4 views
0 likes
0 comments
自家製蟹肉脆燒賣
$88
3 views
0 likes
0 comments
自家製蟹肉脆燒賣
蟹肉脆燒賣好正！面層鋪咗魚子，脆皮包住成舊都係蟹肉！皮好脆，內裡蟹肉勁多勁鮮，啖啖肉，簡單調味，帶出蟹肉嘅鮮味！所以食一舊係完全唔夠嘅！🤤
低溫慢煮雞胸配中式腐乳意大利薯仔麵團
$168
0 views
0 likes
0 comments
低溫慢煮雞胸配中式腐乳意大利薯仔麵團
雞胸肉好味，慢煮威力令到雞胸好入味，一啲都唔會鞋口，仲有啲嫩。薯仔麵團口感煙韌，加埋腐乳原來都幾特別。
燒西班牙黑毛豬腩配碟豆花菠蘿干邑意大利飯
$188
10 views
0 likes
0 comments
我最鍾意呢一個，黑毛豬腩肉，皮好厚同脆口，肉好香，有少少肥膏不過一啲都唔會油膩。平時都係食黑毛豬肉，好少連埋皮食，所以唔錯，幾特別！
意大利飯煮得岩岩好，撈埋奶油，加埋碟豆花，加埋豬腩肉食，一流。
覺得廚師煮嘢食好有心機，有heart，嘢食配搭得好好唔似出邊普通西餐廳！
Post
