新興發點心

Open Now

Now Closed

去到嘅時候大約係朝頭早10:00，都幾多人，幾乎全場爆滿。因為店舖唔大間。其實得幾張枱。咁就坐咗響門口嘅位置，因為天氣實在太熱，門口位冷氣始終不足，又不至於食到流汗，不過就有少少熱。小店經營模式，店員都很熱情，應該多數係做街坊生意。見佢同啲客人都係有傾有講。試咗幾款點心，有啲冇影相，覺得最好食係鮮蝦腐皮卷，新鮮熱辣，外皮趣卜卜。其他點心都係新鮮即蒸，全部上枱嘅時候都係熱嘅。味道就中上。我自己來說覺得幾碟點心都比較淡口少少，可能就返多老人家幫襯？辣椒油同埋茶葉質素一般。總結：環境舒適度一般，點心不錯，招呼正常。未試過可以一試。喜歡我的食評可以追蹤我，謝謝。