Chicken Pocha (Closed)

第一次試呢間韓國小店，都幾有驚喜！今次叫左4樣嘢食，香蔥炸雞半份，流心蛋芝士溶岩泡菜炒飯，海鮮煎餅，煎餃子。香蔥炸雞，推薦！d蔥好好食，連埋d炸雞一齊食好惹味，d炸雞炸粉好薄，雞肉又唔會太鞋。芝士泡菜炒飯都不錯，係炒飯個味太濃，再加埋芝士就太重口味，要飲多幾啖水。海鮮煎餅都好食，好足料，粉又唔會太多，加埋d大蔥，下次會再叫！煎餃就一般水平，冇乜驚喜，好炸，好熱氣，下次唔會再食。之後再去左一次食左芝士蛋捲，份量好多，芝士好多，好滿足，都好推薦！