峯日式料理

Open Now

Now Closed

黃店。平日六點半黎到，佢岩岩先開鋪。頭半段都係我一個包場。＄６８鹽燒牛舌定食，有麵豉湯、青瓜同糖心蛋。本來擔心牛舌飯個份量唔夠，結果完全唔會。飯香，牛舌有五塊，唔可以話特別驚艷嗰種，不會都唔錯。而且係鹽燒的無錯（最尾食到有幾粒鹽）。其他就正常發揮，麵豉湯偏酸。好多人提到通風嘅問題，係無錯的，的確係有油煙味（尤其係燒緊野嘅時候）。我第一個入去，佢都指我去通風好啲嘅位置。不過礙於佢身處熟食中心裏面，可能都唔到佢地話改善就改善。當然可以做得好啲就食客都會開心啲。最後要提就係服務，店員（唔知係咪，定老闆）好有禮貌，最後仲鞠躬話多謝支持。讚。