夢亞萊泰國餐廳

Open Now

Now Closed

做完貓奴，跟住搵到呢間泰國菜醫下肚。之前都有去過洪水橋附近，但係冇留意到有呢一間嘢。啱啱到步已經喺出邊燒緊串燒，好似好好食。但係屋企人唔係好肚餓，所以冇嗌到淨係嗌咗下面嗰幾樣。豬頸肉沙律冇得輸，因為都係基本用嗰啲汁撈出嚟正常表現。個蠔餅望落去好厚粉，以為瀨咗嘢，食落去都幾鬆脆，啲蠔肉都好飽滿超大粒。另外個青咖喱牛腩都好正，正在個咖喱真係夠辣，啲牛腩亦都炆得好腍。唯一小小失望就係個蒜蓉包同埋個椰汁海鮮飯，個蒜蓉包唔夠香亦都唔夠脆另外個海鮮飯用急凍海鮮同蟹柳就有少少Hea，但係個椰漿底又其實幾鮮，因為出邊好少咁樣整個椰漿焗飯。整體嚟講都尚算滿意坐落都幾似去錯泰國旅行咁都值得去試嘅。