Video
Read full review
2021-07-20
759 views
餐廳：小憩片刻·雞湯·麵·串燒 (紅磡)地址：紅磡崇志街29號地舖最近留意到好多人特別關注香港唔同地方嘅麵線/米線小店🍜，所以小弟專程去咗唔同地區發挖嗰到嘅小店比大家知😎今次就比我搵到紅磡崇志街呢間開咗無耐嘅小憩片刻，佢哋主打雞湯麵線，希望食客嚟到呢度可以真正咁休息一吓😌，同埋食到健康無味精嘅食物👍✝️蟲草花膠雞湯淮山麵 $78呢個無味精雞湯，每日熬足8個鐘，飲落香濃唔頸渴，除咗有鮮雞香🐔，亦有陣陣蟲草花同花膠味，仲加咗金華火腿去調味，令湯嘅口感同黏稠度都有所提升。花膠足料大舊，咬落爽口充滿膠質，雞件都算新鮮，肉質平平無奇正常發揮，呢個價錢呢個質素，性價比絕對夠高，識食一定喺食埋佢哋嘅彈牙淮山麵！✝️手撕雞湯烏冬 $48加咗勁多芝麻同麻油嘅手絲雞，雞肉一疏疏，香喺夠香，不過就咁食就真喺鹹咗啲，撈埋落烏冬入面一齊食會中和好多，讚歧烏冬同樣用雞湯去煮㗎😛✝️招牌雞湯雲吞6粒 $58雲吞價錢相對感覺貴咗少少🤏，咬開見到蝦仔🦐，雲吞皮都算薄，隱約見到入面嘅餡料，雲吞算鮮味不過就無咩驚喜，用雞湯去煮喺令到雲吞好食啲嘅😗✝️蟲草花杞子浸翡翠苗 $38呢兜菜比我想像中大兜好多😂，食落幼嫩無渣，加咗蟲草花同杞
地址：紅磡崇志街29號地舖
最近留意到好多人特別關注香港唔同地方嘅麵線/米線小店🍜，所以小弟專程去咗唔同地區發挖嗰到嘅小店比大家知😎
今次就比我搵到紅磡崇志街呢間開咗無耐嘅小憩片刻，佢哋主打雞湯麵線，希望食客嚟到呢度可以真正咁休息一吓😌，同埋食到健康無味精嘅食物👍
✝️蟲草花膠雞湯淮山麵 $78
呢個無味精雞湯，每日熬足8個鐘，飲落香濃唔頸渴，
除咗有鮮雞香🐔，亦有陣陣蟲草花同花膠味，仲加咗金華火腿去調味，令湯嘅口感同黏稠度都有所提升。
花膠足料大舊，咬落爽口充滿膠質，
雞件都算新鮮，肉質平平無奇正常發揮，呢個價錢呢個質素，性價比絕對夠高，識食一定喺食埋佢哋嘅彈牙淮山麵！
✝️手撕雞湯烏冬 $48
加咗勁多芝麻同麻油嘅手絲雞，雞肉一疏疏，香喺夠香，不過就咁食就真喺鹹咗啲，撈埋落烏冬入面一齊食會中和好多，讚歧烏冬同樣用雞湯去煮㗎😛
✝️招牌雞湯雲吞6粒 $58
雲吞價錢相對感覺貴咗少少🤏，咬開見到蝦仔🦐，
雲吞皮都算薄，隱約見到入面嘅餡料，雲吞算鮮味不過就無咩驚喜，用雞湯去煮喺令到雲吞好食啲嘅😗
✝️蟲草花杞子浸翡翠苗 $38
呢兜菜比我想像中大兜好多😂，食落幼嫩無渣，加咗蟲草花同杞子去浸，食落清甜夠fresh💚
午餐時間加$4仲可換豆漿，雖然人好多，地方又好淺窄，不過佢哋嘅雞湯麵線真喺值得你嚟試，順帶一提店員仲好親切添🥰，一定會返嚟再食
Post
