スーパー丼 (駱克道) (Closed)

繼早前人氣雪糕拉麵之後，SUPERDON都推出咗以「蠟筆小新」為主題嘅雪糕咖喱飯系列😍 雪糕咖哩飯共有4款，可以揀吉列豬排/炸雞/牛肉/海鮮飯！做為小新迷，點都要去打卡朝聖一下！我仲要專登著小新公仔T黎打卡，餐廳門口痴咗好多蠟筆小新嘅貼紙，店內都擺放咗好多小新系列公仔，小新粉見到實噴淚感動😏除咗嘢食之外亦有蠟筆小新限定商品選購，但只限銅鑼灣同大埔分店。⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️是日餐點👉🏾雪糕咖喱炸雞飯 💰118HKD😱真係成枝阿波羅出品的火炬軟雪糕放落咖喱飯度吖！感覺好神奇且攪笑！影相打卡動作一定要快！咖哩飯上有小新旗仔，真係卡哇依^-^咖喱飯可自選辣度，大辣、中辣、小辣。夠晒貼心！日本咖喱本身帶甜，食完晤會口咸。炸雞金黃香脆，熟度恰到好處。雪糕融化在咖哩裡似忌廉，同熱辣辣的飯同食，有種甜蜜細膩的冰涼感，口感層次極高，有種說不出的感動，是小新的攪怪，親切又可愛。套餐包兩件腐皮壽司、麵豉湯和自選特飲。👉🏾露屁股怪獸草莓特飲特飲用草莓汁做底，加入梳打，口感清新爽口， 酸酸甜甜。👉🏾天蝦和牛丼💰108HKD肩板腱和牛5分熟，肉質軟嫩，豐富肉汁，天婦羅大蝦2隻，丼飯用日本米，粒粒飽滿。