Amalfitana (The Pulse)

Open Now

Now Closed

相信細個去過淺水灣之後，都好耐冇再嚟，朋友話呢度嘅Pizza幾好食幾出名，中環又有分店，我都好好奇點解要去淺水灣食。不過佢話呢間餐廳有種渡感覺，而且咁啱又想去淺水灣行吓，就放棄中環呢個咁近嘅地方，四個人一齊去淺水灣食飯。去到餐廳都的確感覺幾好，完全冇咗喺城市嘅感覺，真係有啲旅行feel 。最正嘅係，呢度嘅有好多酒選擇，飲住啤酒同幾種唔同嘅Cocktail，都幾開心。前菜勁多，不過最愛係呢個Tricolore同Burrata，證明到呢間餐廳用了非常上乘。可惜無calzone，除咗中環警察宿舍嗰間餐廳有呢隻Pizza之外，都好少有餐廳有啲咁地道嘅選擇。點了一個海鮮同SALSICCIA E PORCINI，味道當然好，厚薄做到剛好，而且用料好足，好似海鮮咁，多到蓋滿成個薄餅。前菜有個茄子都好正，勁多芝士，不過食完好容易飽。甜品基本上係掃餐牌，最好的會係tiramisu，酒香勁濃。雖然遠，但都不錯，值得入黎行下，食個lunch，幾開心。