梔子

Open Now

Now Closed

之前經過山林道見到呢間Cafe 好多人，想試好耐。襯住同朋友食生日飯慶祝就黎試吓。入到餐廳，環境好舒服，擺設是小清新既文青feel, 非常喜歡。我哋叫咗一份香蒜露筍巴馬火腿意大利麵，一份燻牛肉Bagel sandwiches 同黑松露薯條。份pasta 唔算太大份，份量適中，而且蒜香味濃，好味道。燻牛肉Bagel 配埋芝士一齊食，味道好夾好好味，而薯條就香口又好味。我亦另外叫了牛油果奶昔，呢個真是好好飲。朋友就叫了玫瑰花茶。總括來說，以上食物份量對於我哋3個女仔都好足夠，唔會話太細份。呢度亦是一個適合同朋友閒聊享受美食，打下卡既一個好地方。