The Pantry Cafe

Open Now

Now Closed

好耐無返過嚟葵芳，呢度真係開咗好多新餐廳，朋友話呢間好食，咁就一於嚟試吓啦。不過估唔到六點幾已經有咁多人，如果想嚟嘅話記住早啲到啊。一坐低睇完Menu，就忍唔住叫咗個爆谷蝦先，因為見到隔籬枱嘅好似好吸引。等咗一陣就上枱啦，係新鮮乍起嘅，而且舊蝦好大嚿，配埋佢嘅醬汁真係好夾呀。我嘅主菜就嗌咗帶子意粉，估佢唔到個帶子咁大嚿，而且醬汁同意粉好夾，越食越開胃啊。我朋友就叫咗煎牛扒配薯條，我見到個牛扒煎嘅時間啱啱好，叫咗五成熟就真係啱啱好五成熟。我試咗一舊，估唔到佢嘅牛扒拍得住出面專食牛扒嘅西餐，好重牛味，而且好香又係唔使點汁就食得。另外佢嘅薯條都炸得好脆，佢除咗主菜好食，啲配菜都好好食呀。另外我哋仲叫咗個炸雞翼，炸雞翼有成六隻，炸得好香脆，而且好肥美。呢間餐廳又平又好食，唔怪得咁多客人啦。而且佢嘅座位好闊落，好適合一大班朋友嚟聚會或者食飯啦。