Salamat Cafe (Closed)

一早起身陪爸爸黎到元朗公園跑步，跑完行左陣就覺得有啲餓，就即刻黎到馬田路呢條大街到揾野食。呢度真係好多野食選擇，而我就揀左呢間好有feel好清新既餐廳-salamat cafe。入到餐廳位置好舒服，環境寧靜，好適合情侶或者朋友可以談心傾計。坐低侍應好熱心咁介紹比我地，我地叫左個沙律同豬肉眼扒。首先黎左個餐湯，餐湯好好味，忌廉味好濃又好滑既感覺。之後黎左個李子大蝦凱薩田園沙律，一上到黎”wow”好大碟呀，好充料，沙律菜非常新鮮，配埋好多既大蝦同麵包粒，真係好好食呀，好耐無食過咁好味既沙律。另外，仲叫左個肯瓊豬肉眼扒配菠蘿和雜菜沙律。呢個扒聽講好多人叫架，豬肉眼扒好夠味，加埋塊菠蘿，有菠蘿汁既加入，令豬肉眼扒增添另一種風味。不得不提一提個薯條應該係即炸，好夠脆，好夠熱，好值得推介。