Rings Coffee

Open Now

Now Closed

下午茶時份，去左九龍城呢間咖啡店。佢有tea set嗌連飲品，當然叫手沖咖啡嘅話，就有優惠，原價再減$20。食物方面，都好多種類，以西餐為主，如果你係素食者嘅話，仲有個素食早餐可以嗌。呢次我就叫咗牛油果蛋多士。飲品方面，有普通嘅咖啡、熱飲，特別嘅話，仲有花茶、手沖咖啡。上餐嘅時間有啲耐，不過值得等嘅。本身以為牛油果蛋多士，剩係得個多士，原來仲有個沙律添。賣相非常好，個牛油果都非常新鮮，連埋個牛油果醬同包，食落有種肥美而不膩嘅感覺。加埋隻蛋，仲會覺得好健康添，隻蛋嘅蛋黃係半生熟，你可以用到切割佢之後同埋個牛油果醬一齊食。沙律上面有啲麻將，菜加青瓜加水果加蕃茄，一啲都唔齋。咖啡我嗌左Black honey，跟set嘅話，只係$45咋。咖啡師沖得唔錯，咖啡香同after taste都好出。果甜連住creamy流入口中嘅感覺，吞口水都帶住呢種味道。整體來講會畀8.5/10分。賣單133（無加一）添，好抵食。