中哥廚房 (Closed)

放工拖住疲憊身軀，經過呢間廚房……陣陣鑊炒香氣撲鼻而來，咁仲唔揾位坐低試下有冇"味不對辦"?睇下餐牌，原來有分新彊菜和廣東菜，今晚唔想食辣，咁就點咗脆皮牛腩和中哥小炒王。牛腩醮滿脆醬炸粉，難得炸過嘅牛腩唔韌，咬開仲有一絲絲，肉質保留不會過鹹，呢道菜幾有創意，唔怪得都幾多人叫……小炒王係咩呢？……蝦乾、魷魚、鮮蝦、炸菜、韮王、唯獨冇豬潤，不過好有鑊氣，送啤酒真係唔錯！再嚟多盅海底椰燉豬雞腳湯，足料滋潤絶對唔係"例水"，食咗咁多炒炸嘢，飲完佢喉嚨順番曬！