大排檔小炒 (金豐商業大廈) (Closed)

同朋友隨意選擇入黎哩間中菜小炒餐廳，入到黎見到樓底特別高，盞燈貴氣，好少見到咁靚裝修既小炒餐廳。我地一收工就過左黎早d食完番屋企，所以幾清靜，我地食到中段開始多客人。有多款中菜選擇，望落好吸引，有圖片參考望落好正！拔絲咕嚕肉 $98每次夾起都會拉起醬汁，視覺滿分。用左梅頭肉所以好林，外皮炸得微脆，送飯開胃。小炒皇 $98好中意食哩碟，人地話一碟小炒皇就可以試到廚師既功架。韭菜芯炒得青脆，好嫩，配埋蘿蔔乾、腰果、銀魚仔，魷魚，一個字：正！煲仔飯 $138 細煲2個人叫細煲每人都有2碗飯，上台後等約5-10分鐘後，店員會攪勻配料，幫我地裝埋碗，服務好。有臘腸同潤腸所以好香，飯吸左臘腸既肉汁，增添香味。但個人唔太中意食咁硬既飯焦，可能唔洗焗咁耐就食喇就岩我。餐廳免茶介，免加一，店員服務好，野食都岩我食，相信會再回頭光顧。