貓咪貓咪HOME (Closed)

一向既我對貓無咩好感，但係為左同朋友相見，硬住頭皮都會去。去到比我想像中安靜同乾淨，可能係我諗得太誇張吧！貓貓都好安靜係地下玩，亦都唔會太嘈！食物方面都幾齊全，有主食，有好多小食，亦有多款飲品。叫完野食就拎紙牌遊戲黎玩，玩玩下，我朋友竟然去玩貓，不過d貓可能太攰，唔係點理佢😂😂小食拼盤，入面有司華力腸，餃子，薯條，雞翼等等，味道方面比我想像中好食！炸得好脆身，而且一口一舊，可以一邊玩紙牌一邊食野！魷魚圈都幾大舊，同埋炸得好脆，岩哂中意食熱氣野既我。仲有我最愛既沙津醬，令到食咁多炸物都唔會太膩。雖然我對貓貓無咩興趣，但呢度勝在環境乾淨，食物質素唔差，有時陪朋友黎玩貓都係一個唔錯既選擇。