Video
Read full review
2007-01-01
5 views
原本都聽過小白鷺唔係咁好架喇，呢度寫到佢好差咁，不過之前把心一橫去食完之後，真係宜家一肚火，把心一橫出嚟寫衰果間咁既野。 我地係去先預約的，好聲好氣打電話去...嘩！佢真係覺得唔憂做囉。無D禮貌，唔該都無聲，一落左單即刻收線趕住收工咁。好、可能佢有野做緊，我暫時算數。 好喇果一晚出去喇，剛剛好撞到果度有人擺酒，所以無OUTDOOR，所以我地去左另外既一個室，個格局超級似果D普通酒樓咁，真係同人講都無人相信。我地都叫做對住個窗口位食飯，不過個景觀就當然無原本果一邊咁好。D檯椅...老實講好舊，木檯居然係甩甩地油既，一間閒閒地一餐飯都過一百蚊既餐廳、唔該佢既檯椅就換下佢地啦~不過最令我覺得佢地做衰既係：既然有人擺酒會用左個餐廳就唔該係電話度講定先，等我地知左先都好嘛。 我地點了兩個套餐：龍蝦同埋羊仔柳，個餐都係一般既西餐所以餐湯飯品無得走，我逐樣講啦。個餐包老實講幾好食，之後先講點解。羅宋湯同個菠菜忌廉湯都算係咁，不過個羅宋湯個味真係水左少少。之後講到個主菜，真係火都離！ 羊仔柳呢個MAIN COURSE同龍蝦果個一齊到既，對比之下羊仔柳餐完全係兒童餐份量，
我地係去先預約的，好聲好氣打電話去...嘩！佢真係覺得唔憂做囉。無D禮貌，唔該都無聲，一落左單即刻收線趕住收工咁。好、可能佢有野做緊，我暫時算數。
好喇果一晚出去喇，剛剛好撞到果度有人擺酒，所以無OUTDOOR，所以我地去左另外既一個室，個格局超級似果D普通酒樓咁，真係同人講都無人相信。我地都叫做對住個窗口位食飯，不過個景觀就當然無原本果一邊咁好。D檯椅...老實講好舊，木檯居然係甩甩地油既，一間閒閒地一餐飯都過一百蚊既餐廳、唔該佢既檯椅就換下佢地啦~不過最令我覺得佢地做衰既係：既然有人擺酒會用左個餐廳就唔該係電話度講定先，等我地知左先都好嘛。
我地點了兩個套餐：龍蝦同埋羊仔柳，個餐都係一般既西餐所以餐湯飯品無得走，我逐樣講啦。個餐包老實講幾好食，之後先講點解。羅宋湯同個菠菜忌廉湯都算係咁，不過個羅宋湯個味真係水左少少。之後講到個主菜，真係火都離！
羊仔柳呢個MAIN COURSE同龍蝦果個一齊到既，對比之下羊仔柳餐完全係兒童餐份量，根本唔夠食！得果幾塊羊仔肉，唔係講笑，果幾塊「既野」唔講我以為係叉燒。好好地一塊羊柳，估唔到可以俾小白鷺既大廚攪到唔似羊，似豬，真係犀利！燒鵝既價錢，蔗渣既味道，完全係呢一碟野既寫照。
龍蝦既FIRST IMPRESSION俾我既感覺其實唔錯，OK足料，不過食落又係一件糟蹋天物之作。佢地用左好多料去同龍蝦一齊煮，又帶子又蟹柳，仲有好濃烈既蕃茄醬，呢一D配料足以搶哂成隻龍蝦既鮮味....唔好講鮮味喇，就算係普通龍蝦既肉味都無。我本來食少少覺得無乜野事，不過食食下就俾呢一種蕃茄醬味令到我唔想再食落去，我只係食緊一PAT蕃茄醬肉姐。跟餐既意粉，如果同埋龍蝦一齊食哂，會好滯。
我同個FRD就係一個滯一個餓的食完個主菜。
餐飲其實間間餐廳差唔多，不過佢都真係可以做到有特色，真係邊度都搵唔到！可憐的朋友要了個熱擰水，我第一次見到一隻咁細的杯，真係只係比玩煮飯仔的大少少。幾啖水加一塊so-called檸檬，阿FRD哭訴味道淡到死，呢D檸水.....我諗應該係一D西式餐廳招呼人客用既普通水only~另外我果一個凍檸茶又好經典，咁大個都係第一次落哂成樽糖水都唔覺得凍檸茶有甜味，係佢地D紅茶特別？定係佢地D糖水慳錢開稀哂？
以前話D餐包最好食，就係因為之後無啖好食！！！
走喇走喇！我地去埋單，盛惠四百幾，我地叫個WAITER擺抵張BILL俾我地，之後佢個款就真係好狗眼FEEL，阿FRD因為之前食左一餐咁既野已經好唔GUR，仲要睇果個WAITER咁既面色，真係嬲到上心口。最後佢決定將D毫子俾哂佢洩憤！貼士？一毫子啦、都真係俾多佢~好記得個WAITER收番張BILL的時候講左一句：「OK呀呵？」真係激嬲埋我，老實講你地怕麻煩既話可以之前講定先話CREDIT CARDS ONLY，夠哂方便啦！唔好收CASH丫笨！
阿FRD太肚餓喇，最後我地出番去大埔食滷水鵝。幾十蚊既滷水鵝仲好食過佢！死未~
所以係度奉勸咁多位，小白鷺一生人去一次，因為呢一間野去左一次之後就一定唔會有人想去多一次！！
Post