小草十八怪石鍋米線 (Closed)

今日嚟咗旺角行陣街，見到呢間「小草十八怪石鍋米線」好吸引，而且又可以DIY自己煮/職員煮，同埋之前新假期好似推薦過，作為米線迷嘅我，冇理由唔會一會佢🤩沙嗲牛牛石碢石鍋米線好正，沙嗲湯底濃郁到不得了，而且配料超豐富，封門牛肉啖啖肉、美國肥牛肥美、紅燒牛肚爽口、牛丸爆汁、金菇、牛柏葉爽脆😋另外仲叫咗個九餸石鍋米線，香辣金湯都好濃，辣辣地好過癮，墨魚頭爽口、雞肉嫩滑、蟹柳索湯惹味、帶子彈牙，啖啖都食得好滋味😚佢近排有個新配料奄仔蟹，望落去好正，愛蟹之人都要叫，頭先見到隔離枱都叫咗，食到黏黏脷，決定下次嚟個陣要叫佢做，肯定會風味炸裂😍除咗食米線仲叫咗串燒，個人勁推薦佢嘅雞軟骨、翠肉瓜，雞軟骨鹹香爽脆；翠肉瓜厚身多汁😆餐廳都好滿座，而且座位闊落，上菜又夠快，食得好開心呀😄