新潮樓 (Closed)

椒鹽九肚魚🐟本身好鍾意食九肚魚，皆因好食嘅椒鹽九肚魚可以做到外脆內軟，入口一流，依個九肚魚嘅炸粉漿唔會太厚，可以望到包住嘅魚肉，魚骨都可以食埋，幾好～滷水三拼（墨魚、鵝腸、腎片）🥢滷水可以單點，亦可以加錢自由雙拼、三拼，鵝腸爽口冇異味，墨魚片亦都彈牙，底下仲有入味嘅花生🥜藥膳醉雞煲🍲依份係半隻雞，分兩次煮，侍應會set timer計住煮幾耐，夠鐘就撈起雞件，確保雞件剛好煮熟又夠滑，湯底嘅藥材味唔算好重，飲啖熱湯都非常暖胃🥣醬爆京蔥牛肉🥢京蔥同牛肉嘅比例大概都有一半一半，都算幾大碟👌豉油皇煎大蝦🦐大蝦肉質爽身，豉油皇嘅味道合適，惹味得嚟唔會太鹹竹笙北菇燉菜膽🥬