彩晶軒 (Closed)

今晚同兩位長老去屯門友愛H.A.N.D 商場的彩晶軒食晚飯。這間屋邨連鎖酒樓，除左過時過節才一定要訂位外，平常日子都只要稍等一下就可以入座。今晚叫三個小菜，先上濃湯花膠海味雜菜煲。湯底味精不重，有少量的瑤柱絲、花膠絲、海參粒、冬菇片，大量的雜菜及粉絲，因為唔想食炒菜，佢係一個唔錯嘅選擇。再來百里香雲南醬龍躉頭腩煲。第一次食，煲仔上，炸完再炒的龍躉頭腩好香口，醬汁味道酸酸甜甜的，有點兒像生炒骨，加上好香的百里香味最後一個是蠔皇鮑魚炆雞煲。係一個普通雞煲加上四隻炆煮的鮑魚，味道算香口，不過份量太細，只夠兩三人食，雞件唔算多，但配料如洋蔥、蒜頭比例多，送飯一流。三人茶芥加一及兩個白飯，埋單$451。