大灰熊廚房 (Under Renovation)

趁住天氣涼涼地無落雨，帶阿女去遊覽將軍澳新起既跨灣大橋，行完一圈經過帝景灣見到呢間大灰熊餐廳（阿女以為有大灰熊公仔，其實係一間食小菜既餐館）都好耐冇起外面食小菜，一於試下啦，先講講個蘿蔔牛腩，個牛腩淋到...... 嘩！真係唔知點形容，非當鬆化好入味，鍾意牛既人真係不容錯過。咕嚕魚都好好味，一口咬落去，酸酸甜甜，因為係魚所以會比咕嚕肉淋好多嫩好多，正！！！菜心炒牛肉，家常小菜，要做得好都唔容易，菜心夠爽才好味，牛肉太耐會好韌，要洽好好處真係唔容易，師父好嘢阿女見到黃金豆腐粒，兩眼發光 ，外脆內嫰又惹味，係會令人不自覺地食多幾粒椒鹽粟米，都未見過粟米咁整，食落好鬼惹味。最後我地加左個粟米羹同牛肉羹潤一潤喉，阿女難得成碗飲晒，差啲連我果碗都飲埋，呢餐好滿足！