Video
Read full review
2021-01-06
405 views
今日來開旺角拎野，問謙謙想食咩買返去比佢食，佢話想食粢飯， 魚蛋燒賣腸粉果d, 我都諗左一下，醒起朗豪坊附近有間魚蛋哥，可以一次過買齊呢d 返去比我個寶貝仔食。由朗豪坊行過去真係好近，店舖好光鮮感覺好乾淨衛生， 睇個餐牌超吸引，因全都係我鍾意的掃街食品😍😍😍😍。我忍唔住一口氣買左以下幾款返去嘆：⚛ 混醬腸粉8條 ＋ 皇牌咖哩魚蛋 ＋ 魚肉燒賣 ❤❤❤❤ 滑溜溜的腸粉，加入豉油，花生醬，甜醬，芝麻，混合哂一起，簡簡單單已經係香港人喜愛的美食，咖哩魚蛋夠香濃辣味夠香，魚蛋咬落彈牙，夾住腸粉一齊食仲滋味， 魚肉燒賣又係香港經典， 燒賣內餡密度好高，絕不鬆散。⚛ 滋味炸雞翼 5隻 ～ 即炸夠惹味⚛ 厚切煎釀三寶 6件 ～ 大大件又多魚肉夾住， 豆腐和茄子最突出，點一點豉油，正呀！⚛ 手工粢飯 咸 ～ 謙謙最愛， 咬落軟綿綿入面包住炸菜肉鬆油炸鬼， 材料夠哂豐富，凍冰冰揸住食又可以暖手。⚛ 懷舊糯米飯 加肉鬆 ～ 糯米飯夠哂軟糯配搭上面的炸花生，蔥花，蝦米，簡單得來夠香口，為食的我仲另加肉鬆令口感更加有層次。⚛ 三溝 加辣菜脯 ～ 自私之選，由細到大都喜歡食三溝，入面有齊碗仔翅，魚
由朗豪坊行過去真係好近，店舖好光鮮感覺好乾淨衛生， 睇個餐牌超吸引，因全都係我鍾意的掃街食品😍😍😍😍。
我忍唔住一口氣買左以下幾款返去嘆：
⚛ 混醬腸粉8條 ＋ 皇牌咖哩魚蛋 ＋ 魚肉燒賣
❤❤❤❤ 滑溜溜的腸粉，加入豉油，花生醬，甜醬，芝麻，混合哂一起，簡簡單單已經係香港人喜愛的美食，咖哩魚蛋夠香濃辣味夠香，魚蛋咬落彈牙，夾住腸粉一齊食仲滋味， 魚肉燒賣又係香港經典， 燒賣內餡密度好高，絕不鬆散。
⚛ 滋味炸雞翼 5隻 ～ 即炸夠惹味
⚛ 厚切煎釀三寶 6件 ～ 大大件又多魚肉夾住， 豆腐和茄子最突出，點一點豉油，正呀！
⚛ 手工粢飯 咸 ～ 謙謙最愛， 咬落軟綿綿入面包住炸菜肉鬆油炸鬼， 材料夠哂豐富，凍冰冰揸住食又可以暖手。
⚛ 懷舊糯米飯 加肉鬆 ～ 糯米飯夠哂軟糯配搭上面的炸花生，蔥花，蝦米，簡單得來夠香口，為食的我仲另加肉鬆令口感更加有層次。
⚛ 三溝 加辣菜脯 ～ 自私之選，由細到大都喜歡食三溝，入面有齊碗仔翅，魚肉，生菜配上佢地的辣菜脯冇得輸，味道一流，令人再三回味。
Post
