慶麵 (Moved) New Location

一出奧運站 去深水步方向途中見到細細間又坐滿人，一行4人就決定試下。等左一陣就有位，食物既選擇唔多我地叫左 紅燒黑豚肉慶麵，巴東牛肋條撈麵，蒽油撈麵，麻醬青瓜撈麵。小食就 生煎包同蒜香雞翼咁上菜都算快，撈麵最重要就係麵條，呢間做得幾好，有咬口彈牙，不過撈麵太細碗，加個小食就差唔多啦而紅燒黑豚肉慶麵 豚肉半肥瘦 幾滯食兩舊已經唔想食，佢一碗大概有3,4舊到。湯麵就普普通通，無話有d咩可以講。反而小食有驚喜，生煎包一咬落去好多汁，唔錯。一客三件，可以試下。蒜香雞翼就中規中矩，可以不試價錢方面唔算貴，但係我覺得去一次就夠啦，因為比呢間好既同類型食店多的是。