雲石小姐 (Moved) New Location

今年好興雲石紋，我身為一個正常嘅少女，都好鍾意雲石紋，早幾日人日，偶然發現好多foodie都推呢間雲石小姐，所以我都提早訂咗個蛋糕。店入面環境好靚，個花花牆同啲裝飾滿足哂少女心💕今次我無訂到雲石嘅蛋糕，反而訂咗個黑糖珍珠雪崩蛋糕 $380 4吋，因為我見好多人推呢款🤤 我仲加錢配咗呢個生日牌，仲識著燈，超靚！仲送咗張雲石紋心意卡！拎蛋糕時店員都有提醒個蛋糕要點處理，好細心。我拎到返屋企，到食，大約一個鐘頭到。包裝入面有黑糖珍珠，一打開蓋，啲香味飄哂出嚟～店員叮囑要整返開啲珍珠，等佢哋唔好痴埋一齊先倒落去。唔知係咪我開嘅手勢唔好，定係啲奶茶太多，定係個蛋糕太少，佢變咗咁😭 明明我睇openrice/其他foodie嘅都好靚😭😭Any肥，雖然賣相fail咗，啲珍珠又因為個表面太流質，郁嚟郁去，但個蛋糕味道真係唔錯！我自己係奶茶控，都覺得個味好正啊💕間店話係用咗twinnings茶葉，茶咪好出👍🏻 忍唔住不停「不」個醬嚟食🤤，底下嘅戚風蛋糕好鬆軟，切開用嚟沾醬超正。