等 (Closed)

極推介呢間文青打卡咖啡店！位於太子地鐵站附近，地點非常方便。白色嘅外牆俾人好清新同平靜嘅感覺。店內佈置以乾花同綠色植物為主🌿平時啲打卡cafe其實食物質素都一般，而且款式都冇乜新意。呢間可以話少數地高質嘅食物同飲品啦不過店員就比較目無表情同反應呆滯咗少少.松葉蟹肉燴飯 - 喜歡蟹膏嘅朋友仔就一定要試呢個，冇得輸🤤大大pat蟹膏，蟹肉味濃，成個飯好開胃又唔會膩👍🏼.手打牛漢堡 - 牛肉味唔算好濃，但感覺都juicy。最欣賞漢堡皮好香脆，整體不錯。.Await Signature - Espresso加入咗柚子同檸檬味，苦中帶酸甜，感覺幾特別同清新。.Caramel latte - 焦糖味唔算好甜，令咖啡味更突出，咖啡亦香濃幼滑。