韓國館 (Closed)

灣仔道轉入後巷搵倒間叫韓國館，個門口同周圍環境都幾唔同，入到去坐底二人卡位，好寬敞下，個佈置都幾雅緻。  佢地有二人餐同四人餐，我地叫左烤肉食，有五花腩肉同牛肋骨肉，另外再叫左水冷麵同炸醬麵。叫完野食，侍應就拎左八店韓色小食比我地，最愛係食菠菜、翠玉瓜、芽菜同埋少少辣的蘿蔔絲，好開胃！再黎烤肉，我地先試燒牛肋骨，佢地本身已經醃左，燒到兩面都金黃色就食得，外面燒香左，入面仲好JUICY，皆因佢已經夠味道，我點左少少麻油食，好香口，我平時唔太中意食牛，都食多幾件，唔錯！之後再食五花腩肉，佢地預先將腩肉界花，咁就成條圍係爐側邊燒，差唔多熟就用剪刀剪開一件件，再點有鹽的麻油，幾香，不過唔JUICY好易會”鞋”口，所以今次我比較中意牛肉多Ｄ，肉地滑D!!   之後就上炸醬麵同水冷麵，水冷麵酸酸地好開胃，我中意Ｄ面煙煙刃刃的口感同埋酸酸地的凍湯，味道好夾呀！食完凍野，就食熱的炸醬麵，食過好多間炸醬麵都覺得個汁好重味精，食完好口渴，但今次依間又唔會，幾好，仲唔會太濃味！  最後埋單時，送兩碗玉桂紅棗茶比我地當糖水，飲落去辣辣地同埋好濃玉桂味，我唔中意個味道，但上網SEARCH下，原來韓國人中意飲黎幫