Video
Read full review
2021-08-22
26 views
週末放假 想chill 下可以去就近嘅蘇豪區。呢2 個月都去過蘇豪區幾次，介紹過西餐、阿根廷菜。今次都係酒吧，但係少有嘅泰式fusion酒吧餐廳。餐廳地方唔大，但係有唔少特色彩繪玻璃，坐喺出面幾chill。餐牌上有唔少辣味菜式。但係菜式對唔食得辣/唔想食辣嘅朋友都好友善😂，我哋全餐都無辣架。🤣🔆Main 🍝Thai basil chicken spaghetti $68店舖推介泰式意粉。意粉炒得乾身，色澤都幾靚，加咗色彩繽紛嘅三色椒。選擇半份就可以食到更多款式，半份份量都唔少， 可以2 個人分享。正常係會有九層塔同魚露，醬料辣味香濃，會更加吸引。 但係，我哋今次叫咗走辣。 🥩The crying tiger steak “seua rong hai” $208安格斯肉眼扒已經切好咗，貼心服務值得加分。牛扒幾大塊，有少少肉汁同筋位，內裏有部分係呈粉嫩嘅色澤，水準係正常發揮，仲可以自行選擇點自家製嘅泰式辣醬。 🔆Skewers 🍢Wagyu ($32)和牛粒燒得外層香口內裏軟腍，想再來一串。🤣🌭Naem Sour Pork Sausage $32經發酵產生嘅獨特酸味，酸味唔會太濃。質感係似
餐廳地方唔大，但係有唔少特色彩繪玻璃，坐喺出面幾chill。餐牌上有唔少辣味菜式。但係菜式對唔食得辣/唔想食辣嘅朋友都好友善😂，我哋全餐都無辣架。🤣
🔆Main
🍝Thai basil chicken spaghetti $68店舖推介泰式意粉。意粉炒得乾身，色澤都幾靚，加咗色彩繽紛嘅三色椒。選擇半份就可以食到更多款式，半份份量都唔少， 可以2 個人分享。正常係會有九層塔同魚露，醬料辣味香濃，會更加吸引。 但係，我哋今次叫咗走辣。
🥩The crying tiger steak “seua rong hai” $208
安格斯肉眼扒已經切好咗，貼心服務值得加分。牛扒幾大塊，有少少肉汁同筋位，內裏有部分係呈粉嫩嘅色澤，水準係正常發揮，仲可以自行選擇點自家製嘅泰式辣醬。
🔆Skewers
🍢Wagyu ($32)
和牛粒燒得外層香口內裏軟腍，想再來一串。🤣
🌭Naem Sour Pork Sausage $32
經發酵產生嘅獨特酸味，酸味唔會太濃。質感係似肉碎集合而成，幾特別。
🍍Pineapple $28
唔少客人都會點，開胃之選。 大大件菠蘿，唔係得幾片，幾適合打卡。
🍆Eggplant $26
茄子同樣香口，內裏軟腍
🔆Small bites
🍗Crispy Chicken Wings$52
炸單骨雞翼超香口，唔會太厚炸粉。 味道適合鍾意淡口味嘅朋友。如果想更濃味同辣味突出，可以選擇Sriracha chicken wing。
🔆Drink
🥥Coconut $68 (8/10)
椰青係小編夏日嘅摯愛，好多椰子汁同椰子肉，外層仲刻有店舖logo, 幾有心思。
Post
