Video
Read full review
2016-05-06
639 views
香港既漢堡包專門店愈開愈多，我Li d burger fans依家終於唔洗成日幫襯貴價餐廳，都可以食到質素比較好既Burger啦！好似上次同朋友係天后食Lunch，就試到一款出面比較少見既款式！燴豬絲漢堡 $79套餐(薯條、芥末酸瓜及朱古力奶昔) +$50我平時食到既Burger主要餡料通常都係漢堡扒、雞扒、魚柳，不過係到就試到一款出面比較少見既款式 ﹣ 燴豬絲漢堡！佢地以慢煮方式烹調豬肩肉，然後將豬肉 用人手撕成絲，就咁聽都已經知道好花時間同心機！豬肉絲偏向乾身，口感鬆化唔韌，配合炸洋蔥圈、秘製醬汁 同生菜，整體配搭幾夾同唔會太膩。另外值得一提佢地用黎整Burger既包，原來係店主突登自訂Recipe再搵廠生產既自家製麵包，食落鬆軟香甜，我同朋友都一致好中意！另外Burger可以單點或配套餐，套餐價錢會根據你揀跟咩餐飲而定，由加26到50不等，包薯條同酸瓜，粗薯條勁香脆最傳統咁點Ketchup食都已經好好味。我推介大家揀跟奶昔，我地叫既朱古力Milkshake朱古力味濃郁，上面既Cream又重奶香，仲要大大杯，兩個女仔Share黎飲都得。軟殻蟹牛油果沙律 $88大愛Li款沙律！佢主要
我Li d burger fans依家終於唔洗成日幫襯貴價餐廳，
都可以食到質素比較好既Burger啦！
好似上次同朋友係天后食Lunch，
就試到一款出面比較少見既款式！
燴豬絲漢堡
$79
50 views
0 likes
0 comments
燴豬絲漢堡 $79套餐(薯條、芥末酸瓜及朱古力奶昔) +$50
我平時食到既Burger主要餡料通常都係漢堡扒、雞扒、魚柳，
不過係到就試到一款出面比較少見既款式 ﹣ 燴豬絲漢堡！
佢地以慢煮方式烹調豬肩肉，
然後將豬肉 用人手撕成絲，
就咁聽都已經知道好花時間同心機！
豬肉絲偏向乾身，口感鬆化唔韌，
配合炸洋蔥圈、秘製醬汁 同生菜，
整體配搭幾夾同唔會太膩。
另外值得一提佢地用黎整Burger既包，
原來係店主突登自訂Recipe再搵廠生產既自家製麵包，
食落鬆軟香甜，我同朋友都一致好中意！
朱古力奶昔
$50
36 views
0 likes
0 comments
套餐價錢會根據你揀跟咩餐飲而定，由加26到50不等，
包薯條同酸瓜，粗薯條勁香脆
最傳統咁點Ketchup食都已經好好味。
我推介大家揀跟奶昔，
我地叫既朱古力Milkshake朱古力味濃郁，
上面既Cream又重奶香，仲要大大杯，
兩個女仔Share黎飲都得。
軟殼蟹牛油果沙律
$88
71 views
0 likes
0 comments
大愛Li款沙律！
佢主要既材料有軟殻蟹、粟米、烤甜椒、青辣椒、牛油果同薄脆片，
原隻軟殻蟹「訓」係最上面，
真係睇到都覺得非常吸引！
隻蟹炸得好酥脆，都算幾大隻同埋都有D肉地，
仲食到有少少蟹膏。
另外我特別中意牛油果，口感好軟滑，
好味到我都忍唔住口食左勁多件。
酸酸甜甜既沙律醬令人特別開胃，仲帶D柑橘既清香，
成份沙律配搭得特別又清新，個人非常推介！
食Burger前叫返個同朋友Share黎食就更健康！
鄉村蘋果格雷餅
$62
36 views
0 likes
0 comments
鄉村蘋果格雷餅
$62
35 views
0 likes
0 comments
之前未聽過格雷餅係咩黎，
又見佢係新出就叫左個試下。
格雷餅原來啫係烤酥餅，
個餅一黎到就見到佢個邊明顯黑哂，
好似焗過龍燶左咁wor，
同店員反映之下得知原來係大廚堅持一定要焗到Li個程度，
因為格雷餅就係要燶燶地先夠傳統同正宗。
餅底岩岩焗起仲係辣口，口感酥脆，
不過燶邊其實真係幾苦，之後我索情切走燶既部分先繼續食。
蘋果片煮得夠軟腍，有焦糖既香甜，
同幼滑既Whipped cream一齊食味道好夾。
不過Menu明明係寫係配新鮮雜莓，
結果得一粒切半既士多啤梨，Li樣就有D唔對版。
整體黎講Li到食物既質素屬中上，
最欣賞既係佢既食品都幾特別，
有D係出面比較少見既款式，選擇亦都多，
有機會會再黎試下其他。
Post
