Mad for Garlic (Closed)

銅鑼灣有好多各具特色嘅食肆，今日就食咗一間以蒜頭做主題嘅餐廳。雖然價錢偏貴，但係餐廳都幾有情調，餐廳中間放着一大排玻璃酒櫃，俾到人高級嘅感覺。食物都好有特色，而且味道不錯喺。出邊未必食到。所以真係可以一試。今次食左香辣三重蒜味海鮮意粉，garlic steak 同蒜頭香蕉朱古力醬薄餅配自家製雲呢嗱雪糕。海鮮意粉真係估佢唔到甘辣，，比平時外面食嘅所謂香辣意粉更香再辣，十分惹味，海鮮都高質，尤其是係青口，好鮮。Garlic steak就有唔同牛肉俾你選擇嘅，不過面頭都會照鋪上一層厚厚的炸蒜片。牛肉都算對得住個價錢，但係性價比不算高，炸蒜片加肉汁都好夾，好好食！最令我驚喜嘅係個甜品！食完两碟濃味嘅食物之後，雲呢拿雪糕簡直就係一道清泉。勁香雲呢拿味，雪糕同薄餅都十分配合。