明明車仔麵專門店 (軒尼詩道) (Moved) New Location

其實我平時比較少食車仔麵，因為覺得o係屋企食都好易食到。不過咁岩有少少肚餓，又唔想食太飽，車仔麵就係一個好既選擇。之前都有經過依間店，裝修似懷舊店，但環境又ok...地方都夠大，坐得都舒服。當我同朋友入去食時發現2:30pm-6:00pm係下午茶時段，全單85折。但可惜入到去果時岩岩好6:00pm.所以冇依個優惠喇。不過都算啦照食。每人一張劃食物紙，3餸麵$40。比起平時既車仔麵，依間有好多款式。因為如果平時叫豬手/豬軟骨果d就要另外加錢既，但依間唔洗。感覺好好⋯最後我叫左墨丸、墨魚卷、水餃。我朋友就叫豬手，所以比左我試。味道都幾好⋯如果要飲品就要加$8。