Video
Read full review
2021-02-19
1848 views
餐廳簡潔裝修，廚房開揚可以見到師傅煮食。另設有一排排單人座位，自己一個人食都唔尷尬又舒服。平日午市12點左右人流正常，午市免加一，侍應招呼好好，帶領入座。叫左當歸鴨麵線一人套餐($76)，香酥雞排一人套餐($69)，每個套餐配湯/甜品，飲品蒟蒻球白桃烏龍(跟餐加配$12)。首先，當歸湯非常濃郁，真係好大陣當歸味，見到湯料有杞子。伴碟仲有小棠菜，而冬菇吸哂d湯汁，超好味又‘林’。一大碗麵線好飽肚。原隻鴨髀上枱好震撼，鴨肉好嫩，而且好易就可以拆散d肉黎食，唔怕食到周圍都係。鍾意可以配帶少少辣既醬食，更滋味。收據寫用左台灣薘萊米，雖然唔識分，但米飯粒粒分明，屬硬身少少既米(?)，個人覺得好食，仲有幾粒黑芝麻點綴。雞排面頭灑有調味粉，雖然酥炸但食落唔覺熱氣。就算放耐左食，仍然keep到脆身及juicy。套餐附送既新竹貢丸豆腐湯一d都唔簡單，湯底清甜解渴，配以貢丸、幾件豆腐，就連湯品都好有心思製作，唔馬虎。而另一款選擇既甜品燒仙草同樣出色，就算單點都值得。仙草暖暖地，滑嘟嘟。紅豆微甜，芋圓煙韌，最特別係有花生更有口感。加配既蒟蒻球白桃烏龍特別在於，蒟蒻球好有咬口，一粒粒圓形，冇係其他餐廳食過。成
32 views
0 likes
0 comments
叫左當歸鴨麵線一人套餐($76)，香酥雞排一人套餐($69)，每個套餐配湯/甜品，飲品蒟蒻球白桃烏龍(跟餐加配$12)。
當歸鴨麵線一人套餐
$76
41 views
0 likes
0 comments
首先，當歸湯非常濃郁，真係好大陣當歸味，見到湯料有杞子。伴碟仲有小棠菜，而冬菇吸哂d湯汁，超好味又‘林’。一大碗麵線好飽肚。
37 views
0 likes
0 comments
原隻鴨髀上枱好震撼，鴨肉好嫩，而且好易就可以拆散d肉黎食，唔怕食到周圍都係。鍾意可以配帶少少辣既醬食，更滋味。
香酥雞排一人套餐
$69
45 views
0 likes
0 comments
收據寫用左台灣薘萊米，雖然唔識分，但米飯粒粒分明，屬硬身少少既米(?)，個人覺得好食，仲有幾粒黑芝麻點綴。
18 views
0 likes
0 comments
雞排面頭灑有調味粉，雖然酥炸但食落唔覺熱氣。就算放耐左食，仍然keep到脆身及juicy。
新竹貢丸豆腐湯
19 views
0 likes
0 comments
套餐附送既新竹貢丸豆腐湯一d都唔簡單，湯底清甜解渴，配以貢丸、幾件豆腐，就連湯品都好有心思製作，唔馬虎。
燒仙草
8 views
0 likes
0 comments
而另一款選擇既甜品燒仙草同樣出色，就算單點都值得。仙草暖暖地，滑嘟嘟。紅豆微甜，芋圓煙韌，最特別係有花生更有口感。
蒟蒻球白桃烏龍(跟餐加配)
$12
4 views
0 likes
0 comments
加配既蒟蒻球白桃烏龍特別在於，蒟蒻球好有咬口，一粒粒圓形，冇係其他餐廳食過。成杯野唔係好甜，夠清新，啖啖都吸到蒟蒻球。好值得叫佢d蒟蒻球飲品飲呀。
整體，餐牌仲有好多少見既台灣小菜，價錢唔貴，套餐抵食。而且環境坐得舒服，侍應全部都好好人，值得去再食。
Post
