Video
Read full review
2023-03-18
23 views
之前行過見到咁大個村上隆花花，其實都想入去試吓，款式選擇唔算太多，但係都夠有選擇困難症嘅人煩惱。兩個人叫咗…自家制意式肉丸配芝士($88): 有四粒肉丸，食落去好厚身，會配埋兩粒蕃茄仔，加上芝士熱辣辣食嘅時候仲可以拉絲，唔錯。配上兩舊麵包，點埋蕃茄汁更加開胃。不過價錢略嫌有少少進取。卡邦尼培根意粉($168): 見到幅相以為portion好細，點知原來個底都幾深，除咗有bacon之外仲有Salami同蘑菇粒，同pasta一齊食就會出味啲。厚切吞拿魚三文魚子菠菜汁意大利飯($168): 真係厚切嘅tuna，本身已經調咗未就咁食都幾正，少少煙燻過嘅味道。仲有上菜嘅時候同睇相唔同，以為得好少飯，點知大概有兩個拳頭嘅份量！雖然係綠色，但係菠菜味唔算太突出嘅！唔鍾意蔬菜，味道嘅都可以試吓。仲有鍾意佢喺半碟上面加咗芒果，菠菜飯同芒果一齊食會令菜式更加提升，可能就係本身佢甜甜地嘅味道啦。升級套餐(連餐湯嘢飲)(+$48): 蘑菇湯用上幾種唔同嘅蘑菇打碎而成。飲品方面叫咗丸久小山園抹茶冰拿鐵，顏色同埋相片一致，望落去好靚！品質亦都唔差，唔會過甜，而且仲會飲到濃濃嘅抹茶味。TIRAMISU($68):
自家制意式肉丸配芝士($88): 有四粒肉丸，食落去好厚身，會配埋兩粒蕃茄仔，加上芝士熱辣辣食嘅時候仲可以拉絲，唔錯。配上兩舊麵包，點埋蕃茄汁更加開胃。不過價錢略嫌有少少進取。
卡邦尼培根意粉($168): 見到幅相以為portion好細，點知原來個底都幾深，除咗有bacon之外仲有Salami同蘑菇粒，同pasta一齊食就會出味啲。
厚切吞拿魚三文魚子菠菜汁意大利飯($168): 真係厚切嘅tuna，本身已經調咗未就咁食都幾正，少少煙燻過嘅味道。仲有上菜嘅時候同睇相唔同，以為得好少飯，點知大概有兩個拳頭嘅份量！雖然係綠色，但係菠菜味唔算太突出嘅！唔鍾意蔬菜，味道嘅都可以試吓。仲有鍾意佢喺半碟上面加咗芒果，菠菜飯同芒果一齊食會令菜式更加提升，可能就係本身佢甜甜地嘅味道啦。
升級套餐(連餐湯嘢飲)(+$48): 蘑菇湯用上幾種唔同嘅蘑菇打碎而成。飲品方面叫咗丸久小山園抹茶冰拿鐵，顏色同埋相片一致，望落去好靚！品質亦都唔差，唔會過甜，而且仲會飲到濃濃嘅抹茶味。
TIRAMISU($68): 侍應會好貼心咁樣問幾時上，當食到差唔多嘅時候再叫佢哋上就OK 㗎啦。望落去好靚，而且比想像中大份，咖啡味好濃，而且cream亦都打得好細滑。$68價錢絕對值得。
總結：覺得成個裝修同食物嘅顏色好夾，亦都好sharp，食起上嚟嘅時候同環境會令到個人心情都愉快啲。聽到唔少枱嘅客人都有叫打印咖啡，自己望過一望，其實都幾神奇，如果有興趣不妨surprise另一半！
Post
