Video
Read full review
2017-02-25
251 views
今日約咗一個好耐冇見嘅中學同學食飯，佢宜家就威威豬啦，做到港鐵列車車長，又好pay！佢好體貼，特登就我放學，所以叫我喺尖東揾一間餐廳同佢食晚餐。我行咗一陣就喺希爾頓中心搵到一間日本料理餐廳 - 花月居酒屋。餐廳環境幾好，好有情調，老闆還親自幫我哋落柯打，原來老闆可以講得一口流利嘅日文，仲同隔離枱嘅日本客人傾咗好耐添呀！今晚我哋打算叫幾款唔同嘅刺身同日本熟食，我朋友非常鍾意食三文魚刺身，所以我就叫咗一客三文魚腩刺身，三文魚唔只新鮮，仲好肥美，比起出面啲連鎖店好好多！下一個就係鱈場蟹肉沙律，沙律有唔少蟹肉，非常足料，配上日本沙律醬，真係好開胃！我自己本身係一個蟹迷，所以叫多一個松葉蟹加州卷，加州卷上面鋪滿蟹肉，入面仲有牛油果做配料，又點下沙律醬食，今次就算肥都要食哂佢吖！我好多時去日本餐廳食飯都會叫一個蒲燒鰻魚丼，呢度都唔例外，廚師將鰻魚燒到又香又脆，外脆內軟，再配上鰻魚汁同飯，真係好好食！除咗三文魚之外，我朋友都好鍾意食炸軟殼蟹，呢度嘅軟殼蟹唔只脆，而且仲有好多蟹膏，值得推薦！日本料理點可以少得串燒，我就叫咗一串帶子串燒，帶子好新鮮，又稔，燒得好香！仲有一款就係燒羊扒，羊扒非常juicy
佢好體貼，特登就我放學，所以叫我喺尖東揾一間餐廳同佢食晚餐。我行咗一陣就喺希爾頓中心搵到一間日本料理餐廳 - 花月居酒屋。
餐廳環境幾好，好有情調，老闆還親自幫我哋落柯打，原來老闆可以講得一口流利嘅日文，仲同隔離枱嘅日本客人傾咗好耐添呀！今晚我哋打算叫幾款唔同嘅刺身同日本熟食，我朋友非常鍾意食三文魚刺身，所以我就叫咗一客三文魚腩刺身，三文魚唔只新鮮，仲好肥美，比起出面啲連鎖店好好多！
下一個就係鱈場蟹肉沙律，沙律有唔少蟹肉，非常足料，配上日本沙律醬，真係好開胃！
我自己本身係一個蟹迷，所以叫多一個松葉蟹加州卷，加州卷上面鋪滿蟹肉，入面仲有牛油果做配料，又點下沙律醬食，今次就算肥都要食哂佢吖！
我好多時去日本餐廳食飯都會叫一個蒲燒鰻魚丼，呢度都唔例外，廚師將鰻魚燒到又香又脆，外脆內軟，再配上鰻魚汁同飯，真係好好食！
除咗三文魚之外，我朋友都好鍾意食炸軟殼蟹，呢度嘅軟殼蟹唔只脆，而且仲有好多蟹膏，值得推薦！
日本料理點可以少得串燒，我就叫咗一串帶子串燒，帶子好新鮮，又稔，燒得好香！仲有一款就係燒羊扒，羊扒非常juicy，又唔羶，同出面嗰啲唔同。
喺冬天大家都會鍾意打下邊爐咁，叫番個牛肉雜菜鍋就最好不過。雜菜鍋好特別啊，有一條條寒天，大家不妨試試。
估唔到尖東都會有咁正嘅日本餐廳，大家快啲去試試啦！
Post
