蘭芳園

Open Now

Now Closed

中環的一間蘭芳園好出名, 但中環都幾遠下, 無咩機會試到, 見到尖咀開左間, 更係去試下啦。環境好懷舊, 周圍都係譚詠倫poster, 聽譚詠倫d歌, 感覺似係譚詠倫餐廳多d。聽人講好多時排晒長龍, 好彩個日我地又唔洗排, 佢地d 服務好似澳洲牛奶公司一樣, 一坐底就好似吹你落order 咁, 想你快d 食完快d走, 所以要同朋友傾計坐耐d 就唔好揀呢到啦。野食好普通啦, 都係茶餐廳野, 最出名係奶茶。我地叫左個肉丁煎蛋米+香脆奶油豬仔包+奶茶, $3x, 肉丁煎蛋米普通, 香脆奶油豬仔包好食, 包皮香脆, 多奶油, 正。奶茶果然係掂, 好滑。另外叫左個餐肉蛋三文冶,$14, 餐肉煎得香脆, 蛋好滑, 不過澳洲牛奶公司比較好食。