水松見料理放題 (Closed)

聽朋友講長沙灣有間日本放題好食又抵食，今日終於有機會試吓！原來就在“宇宙商場”側邊，食完可以去唱K添。餐廳在一樓，經過旋轉樓梯便到。內裡環境寬敞，更有兩間大房，人多的話可包房，兼且不設最低消費。7:30-9:30pm入座價錢是$228/位，其餘時間減10蚊。另外，有“4人推介優惠”及“時令推介: 任食生蠔和海鮮蒸氣火煱”, 至啱冬天時分。放題必點刺身，有三文魚，甜蝦同帆立貝。賣相很鮮美嬌艷，果然很新鮮，尤其是甜蝦，肉質晶瑩剔透，爽彈鮮甜。三文魚光澤誘人，肉厚肥美，3樣一齊點完再點。必點壽司則有火三文魚，火牛肉及火鰻魚壽司，水準不錯，若壽司飲可再軟身一些更為完美。美國生蠔賣相飽滿豐盈，配上檸檬汁和特製醬汁，清鮮甜美，口感滿足！老公嗜羊，所以點了一件羊架。羊架份量十足兼十分惹味，肉質香稔軟嫰但稍嫌羶味太濃。由於啤酒，日本清酒亦是任飲，所以點了多款佐酒小食如: 炸雞翼，炸天婦羅，鐵板牛仔粒…都有一定水準。整體食物水準不錯，唯一挑剔的是牛油果雜菜沙律，略嫌太乾身。不過以這樣價錢已算是抵飲抵食的了！