Jan Jan 串揚專門店 (尊豪坊) (Closed)

同朋友食完呢間串燒店「Jan Jan 串揚專門店」，立即記低🖊️，下次一定要再黎食。首先，餐廳裝飾十分日系，而且環境又舒適，店員態度又好，最重要佢既設置令人覺得自己身於日本🗾🍢串揚🍤四個字「金黃酥脆」！最愛係雞肉紫蘇卷同山藥，質素絕對一流，啲雞肉好嫩滑，連同紫蘇葉一齊食，口感好清爽🍃🍣三文魚燒飯糰茶漬🍙啲三文魚新鮮彈牙，同燒飯糰一齊食更加美味。燒飯糰充滿住三文魚既魚油，令味道更豐富。而茶漬就好香濃，帶返啲茶葉嘅香氣，加埋啲微微嘅酸甜味，令整個口感更加平衡，超回味啊😚！🍢串燒❤️‍🔥超大隻香菇、同惹味辣肉香腸！香菇咬落啲汁仲係口邊流岀，食到令人流哂口水😈再咬啖辣肉香腸，刺激一下味覺，成個人立直醒神，可以繼續再食😆店員勁友善，食物賣相同味道都非常正，價錢仲相當公道添💯