漁道樂 (Closed)

雖然早兩星期已經開返關，但無假期想去旅行談何容易？眼睛想旅行同時，舌頭都會想旅行。掛念東京嘅居酒屋，身在香港嘅我就決定搵間和風十足嘅餐廳好讓自己嘅味蕾走返轉日本。餐廳裝修氛圍好有去咗惠比壽橫町嘅感覺。岩手生蠔刺身岩手縣生蠔海水味道不太濃，清新嘅鮮甜味正正係佢嘅特色。蠔身少少爽脆口感豐富，三文魚籽點綴下鮮味又再提升。清酒煮蜆香濃嘅清酒味十分撲鼻，蜆肉新鮮肉身飽滿。最重要係隻隻都煮到開哂殼吐哂沙，可以放心大快朵頤。明太子玉子燒玉子燒加明太子可以話係定律嚟，味道香濃時又唔會太過地搶走蛋味，平衡得好好。牡蠣和牛非常出色嘅菜式濃味嘅蠔肉撞上creamy 油分感十足嘅和牛，加上海膽同魚籽醬嘅配搭，味道層次係慢慢遞進。先係蠔嘅香濃，再嚟係和牛嘅油脂感，再以魚籽醬嘅咸香作結。龍蝦野菜鍋最最最期待嘅一道鍋物！ 因為佢係out of menu 嘅餐廳推介。新鮮生劏嘅龍蝦用上野菜清湯湯底，鮮甜嘅味道已經超出筆墨形容。龍蝦肉爽口彈牙無需點任何醬汁已經好夠味。