江浙滬 (堪富利士道) (Closed)

喺尖沙咀呢間江浙滬有呢個SEAFOOD LOVES SAKE嘅活動，係會提供日本清酒同海鮮菜式所配搭菜單，呢度所提供嘅係清炒蝦仁配加茂錦 荷札酒 生詰 黃水仙 。清炒蝦仁係一款正宗傳統嘅江蘇名菜，用嘅係新鮮嘅河蝦，爽口彈牙嘅口感手，味道清新夾雜蝦嘅鮮味。雖然用料只係得河蝦，但食得出江蘇菜嘅風味。而呢枝嚟自日本清酒王國新潟縣，以花命名，以黃水仙花語純潔嚟形容酒本身嘅純淨度同清純嘅感覺。入口有香草同蘋果嘅香味，口感清爽，甘酸平衡，酒精濃度較低，好啱配搭鮮味嘅清炒河蝦，更能突出蝦仁嘅鮮甜。