古今 (Closed)

[💛黃店系列💛] 古今/一間專做創意壽司/卷物嘅日式餐廳，以尖沙咀嚟講，價錢相對平民化，喺網上已經有唔少好評。不過今次唔係去食佢地嘅料理，而係外賣便當🍱。/晚市外賣自取便當 🍱 ($78)凱撒沙律 🥗 +吉烈豬扒 🐷 +咖哩烏冬 🍜 +芝士鰻魚脆脆卷 🧀/一打開見到賣相唔錯，食物堆滿便當盒，感覺份量充足。🤩 -凱撒沙律🥗 係普通生菜+凱撒醬，令人開胃，又可以中和返油炸既豬扒。-吉烈豬扒🐷 炸得啱啱好，香脆入味，厚薄適中，唔會太乾、太硬、太油、太淋，配搭燒汁/咖哩汁都好夾，非常滿意😋👍🏻。 咖哩烏冬🍜 係帶丁點辣味嘅日式咖哩，配上薯仔、胡蘿蔔、洋蔥，味道更有層次。不過配上烏冬就略嫌淡味，如果配白飯會更合適。-芝士鰻魚脆脆卷🧀 因為舖上脆片，睇唔到成個賣相，食落就非常有驚喜。芝士+鰻魚呢個黃金組合本身就冇得輸，入口發覺鰻魚足料，已溶化嘅芝士變得Creamy，完全同鰻魚融為一體，加上脆片，令口感昇華😱。對於細食嘅女仔👩🏻嚟講，2件啱啱好，4件就開始漏。-以便當嚟講，價錢稍微貴，但水準對得住價錢。而且午市便當$45起，完全想像唔到咁嘅價錢，可以食到如此高質嘅午餐。