新竹園軒

Open Now

Now Closed

試咗尖沙咀新竹園軒嘅奢華珍饈2人套餐，原價$1,080，依家做緊優惠$580/位，真係超級抵食😍首先上枱嘅係生拆蟹肉翅，呢碗湯一上枱已經聞到陣陣蟹香。湯底鮮甜，蟹肉一絲絲，配埋魚翅嘅Q彈口感，yummy 😋接住係芝士龍蝦，大大隻龍蝦肉質鮮甜，配上香濃嘅芝士醬，味道濃郁但又唔會過膩。底下鋪咗一層伊麵，吸晒龍蝦汁同芝士醬，每一啖都好滿足。清蒸海斑係我哋其中一個最期待嘅菜式，海斑新鮮得嚟肉質嫩滑，蒸得啱啱好，魚味濃郁又唔會過咸，保持住魚嘅原汁原味。配埋豉油同蔥花，真係完美嘅搭配。8頭鮑魚拼遼參。鮑魚煮得好腍好入味。遼參亦都唔錯，感覺滿滿骨膠原。帶子西蘭花呢道菜色香味俱全。帶子煎鮮味，配埋清甜嘅西蘭花，味道清新又健康。最後主食係瑤柱蛋白炒飯，炒飯粒粒分明，瑤柱嘅鮮味滲透入每一粒飯。飯後甜品係南瓜露及咋喳。