Video
Read full review
2021-11-09
2712 views
呢度啲點心有傳統款亦都有新潮款, 絕對唔會令你失望🤩 今次我地試左11樣唔同既點心再加2個飯, 樣樣都好滿意😍臘腸卷($28)呢款傳統點心而家唔多地方有, 肥美既臘腸包係白色既包入面, 熱辣辣好新鮮😃脆皮銀絲腸($34)白滑既腸粉包裹住鬆化既內餡, 外軟內脆好正唷, 而且唔多地方有得食, 黎呢度絕對要食👍🏽蔥花蝦米腸($30)一大碟軟綿綿既腸粉熱辣辣咁上, 蔥花就夠喇, 但係蝦米味唔夠🤔東北棗皇糕($27)養生之選既中式糕點, 每次飲茶都會叫, 呢度既比較堅挺, 而且又唔會死甜🤤黑松露鳳眼餃($38)餃子既形狀好似隻眼咁, 中間黑色既黑松露就好似眼珠咁, 綠綠白白既餃子皮包住彈牙既蝦肉, 口感同味道一樣豐富😍咖哩土魷($35)魷魚既份量多, 有大大條爽口彈牙既魷魚鬍, 下面仲有啲刀削麵碎, 咖喱汁味道剛好唔會太濃烈🙂薑蔥牛柏葉($35)牛柏葉夠爽口, 唔會腍啤啤, 仲有啲胡椒味同埋特製醬汁, 味道豐富得黎幾特別🥰畔糖馬蹄糕($24)金黃色得黎又夠挺身, 重點係甜味夠天然, 如果馬蹄既份量多啲就perfect 喇😙蘿蔔絲魚餅($29)三大塊彈牙魚香既魚餅, 唔太食到蘿蔔絲, 當普通魚餅咁
臘腸卷($28)
呢款傳統點心而家唔多地方有, 肥美既臘腸包係白色既包入面, 熱辣辣好新鮮😃
脆皮銀絲腸($34)
白滑既腸粉包裹住鬆化既內餡, 外軟內脆好正唷, 而且唔多地方有得食, 黎呢度絕對要食👍🏽
蔥花蝦米腸($30)
一大碟軟綿綿既腸粉熱辣辣咁上, 蔥花就夠喇, 但係蝦米味唔夠🤔
東北棗皇糕($27)
養生之選既中式糕點, 每次飲茶都會叫, 呢度既比較堅挺, 而且又唔會死甜🤤
黑松露鳳眼餃($38)
餃子既形狀好似隻眼咁, 中間黑色既黑松露就好似眼珠咁, 綠綠白白既餃子皮包住彈牙既蝦肉, 口感同味道一樣豐富😍
咖哩土魷($35)
魷魚既份量多, 有大大條爽口彈牙既魷魚鬍, 下面仲有啲刀削麵碎, 咖喱汁味道剛好唔會太濃烈🙂
薑蔥牛柏葉($35)
牛柏葉夠爽口, 唔會腍啤啤, 仲有啲胡椒味同埋特製醬汁, 味道豐富得黎幾特別🥰
畔糖馬蹄糕($24)
金黃色得黎又夠挺身, 重點係甜味夠天然, 如果馬蹄既份量多啲就perfect 喇😙
蘿蔔絲魚餅($29)
三大塊彈牙魚香既魚餅, 唔太食到蘿蔔絲, 當普通魚餅咁食係正既😋
流沙奶黃煎堆仔($29)
脹卜卜既煎堆入面裝住多到好似湯汁咁既流心奶黃餡, 食果時真係咬得大啖啲都會爆曬出黎😂 呢個點心係令我最難忘同埋最有驚喜既一個😎
滋味漢堡仔($30)
迷你炸肉餅夾係迷你既漢堡包中間, 配埋啲沙律菜同沙律醬, 中西合壁幾有趣既
鳳爪排骨飯($30)
份量唔多, 一個迷你沙煲仔既份量已經有兩隻入曬味既鳳爪仲要唔會甩皮甩骨, 仲有幾件半肥瘦既排骨, 份量細細但都有足料既餸, 值得一讚🥳
生炒糯米飯($43)
凍凍地既天氣食返碗糯米飯成個人暖笠笠, 糯米飯炒到夠爽身, 有蛋絲, 蔥花同花生, 正🤩
呢度既點心令我有驚喜, 食完你就會明白點解咁多人排隊, 上菜又快, 食物又夠熱, 唯一唔好既就係會坐得比較逼😝 大家黎尖沙咀既話又多一個食點心既好地方喇👏🏽
Post
