香港郵意 (Closed)

尖沙咀行街行到好攰，朋友同我講想去首都廣場夾公仔，驚喜係上到去，竟然見到一個好靚既cafe.估唔到係尖沙咀呢個旅遊地區，人多到死，竟然有間咁文青嘅cafe.即刻就嗱嗱臨坐低抖下先啦。見到有杯嘢飲個名好特別叫做綠野仙蹤，所以就決定去試試啦。綠野仙蹤全杯都係青綠色，真係幾中題。聞落去都好清新，一試之下，原來係牛油果飲料。飲落去好滑身，加上甜度適中，最緊要真係好有牛油果味同香。朋友就好簡單帶叫左一個鮮奶香竽。鮮奶味重，反而香竽味就較淡，不過甜度都控制不錯。最後兩個人仲叫咗一個豆腐蜂蜜芝士蛋糕，豆味都濃郁，仲有一個蜂蜜係頂，味道理應唔錯，可惜係個餅身唔夠硬，太淋太濕。但係尖沙咀搵到一個咁文青cafe，慢慢坐下飲下野都真係叫唔錯。