花月宮 (Closed)

朋友外國返黎帶佢最想食嘅打邊爐，呢間花月宮食過一向料都新鮮，而且坐得舒服，仲可以包房。用QR code點餐，醬芥每人收$18。泰北冬陰公原隻澳洲龍蝦海鮮鍋 $388一上台就見到澳洲龍蝦🦞好鬼生猛，不停咁掙扎，仲有青口、細墨魚仔和生猛蝦、菜等配料，而湯底酸酸地辣辣地，真係勁開胃。而龍蝦肉絕對唔係hea,咬落啖啖肉又鮮甜，好好肉地👍🏻。而餃類叫左韮菜餃 $58，重慶辣子雞肉餃$58同爽口鮮蝦雲吞 $58，全部都各4粒，而且隻隻都勁大隻又足料，淨係食呢個都好飽。最後仲叫左皇帝菜 $48、鴨血 $58同稻庭烏冬 $28，成餐都好滿意呀！