852居酒屋

Open Now

Now Closed

位於尖沙咀 海防道 852居酒屋，名乎其實，餐廳裝修好有日本居酒屋🏮風格，全部木製餐桌，仲有一張L型吧枱，餐廳仲播著輕快日文歌曲🎵，令進餐狀態好輕鬆😃。午市仲有好多定食套餐選擇，丼飯套餐、刺身膽壽司定食套餐，價錢都相當貼地。🍹🍹巨峰忌廉雪糕梳化、蜜瓜忌廉雪糕梳打唔會太甜，而且梳打飲品非常解渴消暑。🥢味噌菜 - 椰菜蘸點味噌醬，入口清新，有洗擦口腔，清新味蕾作用。🥢唐楊池魚味道甘香，薄薄一層炸醬，增加酥脆口感，而且炸得好乾身，連骨都食埋😆，一啲都唔油膩。🥢🍡🍢雞肝同雞尾串燒平日唔會食內臟嘅我，食串燒就會放肆一下，雞尾燒至冇晒油脂，入口又香又軟；雞肝燒過，外面帶有蕉香，入面仲粉粉軟軟。🥢芝士黑松露大啡菇黑松露同啡菇本身係最好配搭，入口黑松露先聲奪人，味道充斥整個口腔，慢慢芝士味道跑出黎，令成個口腔味道好複雜😆😆。🥢刺身拼盤三文魚肥美、油甘魚甘香，最吸引一定係大拖羅，入口即溶，油花充斥整個口腔。🥢鰹魚半烤燒鰹魚入口口感軟，油漬醋醬汁，微微帶酸，更加釣出鰹魚鮮味。🥢大根牛舌煮牛舌8-9成嘅熟度，入口非常冧滑，吸晒醬油同味琳湯汁，非常美味，放在一旁嘅大根，一啲渣都冇，同牛舌非常好嘅配搭。