基地貳 (Closed)

🥳Happy Friday！梗係要去食飯飲杯野先夠開心！呢間氣氛超正既泰菜餐廳，以星空為主題，下層係酒吧，上層係180度無邊界巨型屏幕，一餐飯就可以環遊世界，夢遊太空，絕對係視覺同味覺嘅享受呀！👍🏻我哋揀嘅菜式都好好味，首推🦐生蝦刺身（$168），新鮮又啱口味，仲有乾冰襯托，仙氣滿滿，打卡非常igable！泰式牛油果大蝦沙律🥗（$128）配搭好清新，酸甜醒胃帶小小辣，口感極豐富呀！冬陰功虎蝦卡邦尼意粉🍝（$248）好有驚喜，醬汁濃郁掛汁，虎蝦肉質好彈牙，越食越惹味！最後嚟個芒果班蘭糯米飯🥭（$168），有椰汁同班蘭味，食落煙靭唔癡牙，配搭新鮮芒果粒同香脆椰子片，大滿足呀！飲品方面，🌿Mojito（$108）同🥥Base colada（$118）都好好飲，酒精濃度唔太高，十分refreshing，消暑解渴一流！