Video
Read full review
2016-04-11
671 views
食潮州菜嘅機會唔多, 但係每逢有如此良機, 功夫茶必然係我引頸以待嘅開場白。呢度嘅功夫茶並無令到我失望, 鐵觀音甘而不苦, 飲用後回甘嘅感覺令人特別醒神。接著係滷水鵝肉、鵝肝。鵝肝用白滷水慢慢浸熟, 沒有添加醬油嘅滷水, 所以浸出來嘅鵝肝特別原汁原味。質地軟綿香滑,中心位亦見粉嫩色, 係相當有水準之作; 而鵝肉亦是必試推介, 配料及滷水醃得入味之下, 加上香濃嘅肉味, 又點會唔好食~~潮州風味嘅紅燒花膠翅跟香港平時食到嘅會有少少分別, 味道會更濃, 揮發出金華火腿嘅香味。而係真材實料嘅花膠烹煮下, 翅嘅質地必然會更濃更厚, 喜歡較「重口味」嘅朋友相信會非常鍾情於呢碗翅!慢火煎原條咸馬友: 表面煎得金黃色, 魚皮香脆而肉質結實, 夾起上黎絕對唔會鬆散。若果想令味道更提升一個層次, 可將海味粉加添在魚肉上, 海味粉用了瑤柱、蝦干、大地魚等磨制, 頓時提升鮮味!炸蝦蟹棗及家鄉抄麵線亦係潮州嘅名菜。前者分別將蝦肉、蟹肉拆出, 混入韭菜等餡料, 打至起膠, 然後再炸, 所以食起黎嘅時候, 蝦棗及蟹棗定必彈牙十足! 而家鄉抄麵線看似平凡, 但卻顯廚師功架。整碟麵線並不油膩, 但仍能做到麵線分明,
食潮州菜嘅機會唔多, 但係每逢有如此良機, 功夫茶必然係我引頸以待嘅開場白。呢度嘅功夫茶並無令到我失望, 鐵觀音甘而不苦, 飲用後回甘嘅感覺令人特別醒神。
接著係滷水鵝肉、鵝肝。鵝肝用白滷水慢慢浸熟, 沒有添加醬油嘅滷水, 所以浸出來嘅鵝肝特別原汁原味。質地軟綿香滑,中心位亦見粉嫩色, 係相當有水準之作; 而鵝肉亦是必試推介, 配料及滷水醃得入味之下, 加上香濃嘅肉味, 又點會唔好食~~
潮州風味嘅紅燒花膠翅跟香港平時食到嘅會有少少分別, 味道會更濃, 揮發出金華火腿嘅香味。而係真材實料嘅花膠烹煮下, 翅嘅質地必然會更濃更厚, 喜歡較「重口味」嘅朋友相信會非常鍾情於呢碗翅!
慢火煎原條咸馬友: 表面煎得金黃色, 魚皮香脆而肉質結實, 夾起上黎絕對唔會鬆散。若果想令味道更提升一個層次, 可將海味粉加添在魚肉上, 海味粉用了瑤柱、蝦干、大地魚等磨制, 頓時提升鮮味!
炸蝦蟹棗及家鄉抄麵線亦係潮州嘅名菜。前者分別將蝦肉、蟹肉拆出, 混入韭菜等餡料, 打至起膠, 然後再炸, 所以食起黎嘅時候, 蝦棗及蟹棗定必彈牙十足! 而家鄉抄麵線看似平凡, 但卻顯廚師功架。整碟麵線並不油膩, 但仍能做到麵線分明, 唔會結成一團, 方便進食!
最後有反沙芋作甜品。外層嘅糖霜平均包在芋頭之上, 酥脆的外表, 加上蔥花和芝麻, 口感及味道之獨特, 實在不能比礙!
Post
